TULADHA
SESORAH SESULIH KELAS IX
(WISUDHA
KELAS IX)
1.
Pambuka
Ø Salam
Assalamu’alaikum Warohmatullahi Wabarokatuh.
Sugeng Injing/Siyang
Nuwun........
Ø Pakurmatan
Bapak Kepala Sekolah SMP Az Zahra ingkang Kinakbekten...
Bapak/Ibu guru ingkang Satuhu luhuring budi...
Bapak/Ibu Wali Murid saha wali kelas ingkang Sinudarsana...
Boten kesupen rencang-rencang ingkang kula tresnani...
Ø Puji syukur
Sumangga kita sesarengan tansah nyaosaken puja puji syukur dhumateng
ngarsanipun Gusti ingkang akarya jagad, ingkang sampun paring rahmat lan
hidayahipun. Saengga kita sedaya taksih saged kempal manunggal kanthi tentrem,
bagas, waras, kebak ing kabagyan ing selebetipun kalodangan menika. Sholawat
ugi salam konjuk dumateng junjungan kita Nabi agung Muhammad SAW. dalasan para
sahabatipun.
2.
Surasa Basa (isi)
Keparenga kula .....................minangka wakil siswa
kelas IX ngaturaken agungipun panuwun dhumateng bapak/Ibu guru ingkang sampun
gulawentah saha paring ilmunipun kanthi sabar saengga kula saged lulus kanthi
biji ingkang sae. Mugiya samangke dados ilmu ingkang manfa’at.
Bapak/ibu guru ingkang satuhu luhuring budi, sadangunipun
3(tigang) taun, Bapak/Ibu guru sampun ngrengkuh kita kados putra piyambak.
Sejatosipun kula rumaos awrat pisah, namung karana kita kedah nglajengaken
sekolah, kepeksa kita nyuwun pamit. Kita boten saget ngaturi piwales
punapa-punapa. Kita namung sageng mujikaken mugiya bapak/ibu guru tansah
wonteng pangayoming Gusti ingkang Maha Asih, tansah kaparingana
kabagaswarasan,,tansah pinaringan penggalih ingkang sabar saha lila legawa
anggenipun paring ilmunipun kagem para siswa, ugi tansah kaparingan rizki
kathah ingkang barokah.
3.
Panutup
Ø Dudutan/Simpulan
Kangge adik-adik kelas, kula titip pesen mangga sami
njagi aruming nama SMP Az Zahra menika, kanthi nglampahi sedaya dhawuhipun
Bapak/Ibu Guru. Sinau lan gladen ingkang mempeng boten ngantos kesupen tansah
bekti lan nyadong idi pangestunipun tiyang sepuh saha Bapak/Ibu guru angenipun
sinau wonten ing SMP Az Zahra.
Bapak/Ibu guru,saha sedaya karyawan SMP Az Zahra ugi
adik-adik kelas. Sadangunipun 3 taun sesrawungan mesti kemawon kita kathah
andamel kalepatan, pramila wonten ing kalodhangan menika kita nyuwun agungipun
pangaksami.
Ø Wasana Basa
Wasana cekap semanten atur kula. Mugi-mugi ingkang kula
aturaken wonten manfaatipun. Kula nyuwun pamit.
Opor kupat, bumbu santen.
Menawi kathah lepat, nyuwun agungipun pangapunten.
Ø Salam Panutup
Nuwun-nuwun....matur suwun
Wassalamu’alaikum
Warohmatullahi Wabarokatuh.